Declaración institucional
Declaración Institucional do Consello de Administración da APAC
A Autoridade Portuaria da Coruña, como Organismo Beneficiario dos Fondos de Recuperación e Resiliencia, aprobou, na súa sesión de 21 de decembro de 2021, esta declaración institucional en materia antifraude, que manifesta o compromiso cos estándares máis altos no cumprimento das normas xurídicas, éticas e morais e a súa adhesión aos máis estritos principios de integridade, obxectividade e honestidade, de xeito que a súa actividade sexa percibida por todos os axentes que se relacionan con ela como oposta á fraude e á corrupción en calquera das súas formas. Todo o persoal que forma parte do equipo directivo asume e comparte este compromiso.
Por outra banda, o persoal da Autoridade Portuaria deberá desenvolver con dilixencia as tarefas que teñan asignadas e protexer os intereses xerais con subxección e observancia da Constitución e do resto do ordenamento xurídico e deberá actuar segundo os seguintes principios: obxectividade, integridade, neutralidade, responsabilidade, imparcialidade, confidencialidade, dedicación ao servizo público, transparencia, exemplaridade, austeridade, accesibilidade, eficacia, honradez, promoción do medio cultural e ambiental e respecto á igualdade entre mulleres e homes, que inspiran o Código Ético da Autoridade Portuaria