Análise do ciclo de vida

Entendéndose por ciclo de vida dun ben ou servizo (ISO 14040:2006 -principios e marco de referencia-, ISO 14044:2006 -requisitos e directrices-) ás etapas consecutivas e relacionadas dun sistema do ben ou servizo (é dicir, todo o que está implicado en ofrecer a función do ben ou servizo, desde a extracción das materias primas ata a súa disposición final), a análise do ciclo de vida (ACV) do ben ou servizo é a “recollida e avaliación das entradas, saídas e impactos ambientais potenciais dun sistema do ben ou servizo ao longo do seu ciclo de vida”.

Declaración ambiental de Produto (DAP)

De acordo coa norma ISO 14025:2010 (Etiquetas e declaracións ambientais – Declaracións ambientais tipo III – Principios e procedementos), a DAP é un informe estandarizado e verificado sobre o impacto ambiental dun produto, baseado na técnica de ACV. Require verificación por parte de terceiros e unha transparencia absoluta (datos públicos), e emprega Regras de Categoría de Produto (RCPs) para asegurar a comparanza entre produtos similares.

Regras básicas de categoría de produto para produtos da construción

UNE-EN 15804:2012+A1:2014 Sustentabilidade na construción. Declaracións ambientais de produto.
O seu obxectivo é establecer as RCPs básicas para as declaracións ambientais tipo III de calquera produto ou servizo da construción.

ACV do peirao A2-A3

A partir deste conxunto normativo, a Autoridade Portuaria da Coruña contratou o estudo da análise do ciclo de vida do proxecto de ampliación do peirao Langosteira A2-A3 e mellora de calado nas novas instalacións portuarias de Punta Langosteira, que serviu de base para a redacción da DAP.
O ACV realizado ten como alcance “do berce á porta con opcións”; isto significa que se estudou a etapa do produto e a etapa do proceso de construción, pero non se estudaron as fases de uso nin de fin de vida.

Os seus principais resultados foron:

Parámetro Unidad Etapa de produto A1-A3 Etapa de construción A4-A5
Potencial de quecemento global, GWP kg CO2equiv 14.823.568,64 66.763,56 6.327.345,27
Potencial de acidificación de terra e auga kg CO2equiv 1,16 1,24E-02 1,25
Potencial de eutrofización, EP kg CO2equiv 48.870,05 491,11 22.811,80
Potencial de formación de oxidantes fotoquímicos do ozono troposférico kg COkg etileno equiv 9.257,93 60,59 4.241,44
Potencial de esgotamento dos recursos abióticos para elementos kg Sb equiv 2.139,47 6,79 1.036,38
Potencial de esgotamento de recursos para combustibles fósiles MJ 30,21 3,31E-04 1,96E-01
Potencial de esgotamento da capa de ozono estratosférico, ODP kg CFC 11 equiv 100.362.679,06 958.718,18 99.638.980,16

 

Documentos

Análise do ciclo de vida do proxecto de ampliación do peirao Langosteira A2-A3